O'zbekiston Respublikasi Moliya Vazirligi

e'lon qiladi

Ijtimoiy faol aholining katta qismini qamrab olgan O'zbekistondagi kichik biznes va xususiy tadbirkorlik yalpi ichki mahsulotining asosini tashkil etib bormoqda. Yurtimizda kichik biznes va xususiy tadbirkorlik yili deb e'lon qilingan 2011 yilda kichik va xususiy kompaniya va firmalarning YAIM dagi ulushi 54% ni, sanoatdagi ulushi - 20,7% ni, eksportdagi ulushi - 16,2% ni va bandlikni - 74,4% ni tashkil etdi. Mazkur raqamlar O'zbekiston Savdo – sanoat palatasining Markaziy kengashi tomonidan e'lon qilindi.

O'zbekiston Respublikasi Oliy Majlisi Qonunchilik palatasida Oliy Majlis huzuridagi Nodavlat notijorat tashkilotlarini va fuqarolik jamiyatining boshqa institutlarini qo'llab-quvvatlash jamoat fondi mablag'larini boshqarish bo'yicha Parlament komissiyasining navbatdagi yig'ilishi bo'lib o'tdi. Unda tegishli vazirlik va jamoat tashkilotlarining vakillari, oliy ta'lim muassasalari rahbarlari, jurnalistlar ishtirok etdi.

19 yanvarda O‘zbekiston Respublikasi Vazirlar Mahkamasining 2011 yilda respublikani ijtimoiy-iqtisodiy rivojlantirish yakunlariga va 2012 yilda iqtisodiyotni barqaror rivojlantirishning eng muhim ustuvor vazifalariga bag‘ishlangan majlisi bo‘lib o‘tdi.

Kichik biznes va xususiy tadbirkorlikning izchil taraqqiy etayotgani mamlakatimiz iqtisodiyotining rivojida, aholi farovonligining tobora yuksalishida muhim ahamiyat kasb etmoqda. Mamlakatimizda ish bilan band aholining 74 foizdan ortig‘i aynan shu sohada mehnat qilayotgani, yalpi ichki mahsulotda sohaning ulushi 54 foizni tashkil etayotgani buning yaqqol tasdig‘idir.

Mamlakatimizda O‘zbekiston Respublikasi Qurolli Kuchlarining 20 yilligi va Vatan himoyachilari kuni keng nishonlanmoqda. Joylarda ushbu shonli sanaga bag‘ishlangan tantanali tadbirlar bo‘lib o‘tmoqda.

Mamlakatimizga tashrif buyurgan Koreya Respublikasi Milliy Assambleyasi Spikeri Pak Xi Te rahbarligidagi delegatsiya a’zolari 10 yanvar kuni O‘zbekiston Respublikasi Oliy Majlisi Qonunchilik palatasi Spikeri Dilorom Toshmuhamedova bilan uchrashdi.